Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Түркістан облысына жасаған жұмыс сапары аясында өңірдегі дін қызметкерлерімен кездесті.
Кездесу барысында Бас мүфти діни-ағарту жұмыстарының сапасын арттыру, мешіттердің әлеуметтік және рухани-тәрбиелік бағыттағы рөлін күшейту мен ұлттық құндылықтарды насихаттау мәселелеріне тоқталды.
Кездесу соңында ҚМДБ-ның 35 жылдық мерейтойына орай дін саласында ұзақ жылдар бойы табанды қызмет етіп келе жатқан Түркістан облысының бірқатар ардагер имамдары мерекелік медальмен марапатталды.