Қазақстан мұсылмандары діни басқармасының төрағасы, Бас мүфти Наурызбай қажы Тағанұлы жұмыс сапары аясында Ұлытау облысы Сәтбаев қаласында өткен қайырымдылық шарасына қатысты.
Игі іс-шара Сәтбаев қаласындағы Балмағамет Балқыбайұлы атындағы мешіттің оқу орталығында өтіп, мүмкіндігі шектеулі азаматтарға қажетті құрал-жабдықтар алуға арналған ақшалай сертификаттар табысталды. Атап айтқанда, Т. Әділовке – мүгедектер арбасын, А. Аманқұлов пен А. Далабайға – есту аппараттарын алу үшін сертификаттар берілді.
Бас мүфти қайырымдылық – Ислам дінінің негізгі құндылықтарының бірі екенін айта келе, мұндай шаралардың мұқтаж жандарға қуаныш сыйлап, қоғамда мейірімділік пен жанашырлықты арттыратынын жеткізді.